SETAR Cable Services a agrega 3 canal Mosaic pa e clientenan di Cable Digital.  Esakinan ta Canal 74, 75 y 76.  Un canal Mosaic ta un canal special cu ta duna e cliente un bista di seis canal pareu riba un solo screen asina e cliente tin un bista di kico e por scohe pa wak. E ta ofrece un bista di kico ta pasando riba e diferente canalnan den e categoria specifa sea noticia, deporte of canal pa mucha.

E 3 canalnan extra aki cu ta bin den 3 diferente categoria cu ta noticia, deporte y canalnan di mucha.

Canal 74 News Mosaic: ta duna un bista di canalnan CNN, BBC, Fox News, Telearuba, ATV, y Canal 22.

Canal 75 Sports Mosaic (unicamente den pakete digital canalnan di deporte): ta duna un bista di canalnan ESPN, Speed, ESPN2, Eurosport 1, GolTV, Fuel TV.

Canal 76 Kids Mosaic: ta duna un bista di canalnan Nickelodeon, Boomerang, Cartoon Network, Disney JR, Disney Channel y Discovery Kids.

Clientenan cu ta gusta sierto programa na e canalnan den e categorianan menciona por mira 6 screen riba un solo canal. Den e skina robez riba e pantaya di e Canal Mosaic tambe e diferente otro canalnan cu ta cai den e categoria ta aparece. Pa por bai di un canal pa otro, por ehempel riba News Mosaic y Kids Mosaic cliente por para riba un di e screennan of na banda robes di e pantaya na unda e canalnan ta aparece. E cliente ta navega cu e flechanan riba e remote, para riba e canal desea y primi OK pa yega na e canal desea. E accesso na e canal Sports Mosaic ta unicamente den e pakete digital special di deporte. Si e cliente no tin e pakete cu ta inclui e deportenan y toch e primi OK, automaticamente lo bin un aviso pa pasa abona pa e pakete special di deporte na SETAR Cable Services.

Pa mas informacion por yama 525-1700 of bishita www.setar.aw .

Rondona pa miembronan di famia y amigonan cu kier a desea nan tur cos bon, Milo Croes Jr. a haci su soño di hopi aña bira un realidad, esta di habri e prome Apple iStore na Aruba. El a wak cu gran orguyo ora e ceremonia di cortamento di cinta a tuma luga, na Ponton 67-B.

E tienda moderno y contemporaneo lo ta bendiendo solamente productonan di Apple y tur producto y asesorio relaciona cu Apple. Como Aruba su prome iStore, e lo ta sirbiendo tanto e mercado local como e mercado di turista, treciendo e marca y cultura di Apple mas serca di e comunidad akinan.

Milo Croes Jr. ta raporta cu henter e famia tabata wardando ansiosamente riba e dia di apertura, despues di a descubri e facilidad di usa computernan di MAC hopi aña pasa, den e spirito di e dicho famoso: “Once you go MAC, you never go back.”

E iStore nobo, e ta splica, lo ofrece productonan di calidad, sosteni pa e garantia di Apple y mehora cu e balor agrega pa clientenan, den forma di programanan di entrenamento y educacion. E apertura di e tienda, e ta agrega, a wordo haci posibel net recientemente, de hecho, e luna aki mes, na Oktober di 2011, ora Apple a inicia un programa MUNDIAL di Apple iStore, conoci como AAR PLUS, cual ta para pa Apple Authorized Reseller Plus Program.

E apertura di e iStore Aruba a wordo efectua pa miembronan di famia y a conta cu e sacamento di blaasnan colorido den e estilo adopta pa tiendanan di concepto di Apple rond dim undo. E famia tambe a filma e apertura pa YouTube, determina pa plama e palabra internacionalmente cu Aruba ta entre e paisnan mas tecnologicamente avansa na mundo.

Computernan di Apple, segun Jouel M. Croes, kende ta un architecto segun profesion y e yiu homber dinamico di Milo, a bira e computernan mas desaroya y lidernan di inovacion den historia, y Aruba mester ta orguyoso di tin su mesun iStore, cual ta un muestra di e nivel di desaroyo riba e isla. Milo, incidentalmente, ta e palabra Griego moderno pa Appel, e ta conta chistosamente, aparentemente mi tata tabata destina pa habri un tienda bou di e nomber ey!

Pa e luna benidero, e iStore Aruba ta ofreciendo un rifa special pa cualkier persona cu ta cumpra un computer di Apple, unda cu nan nombernan lo wordo inclui den un campaña pa gana un MACBOOK AIR 11.6"

Aki por mira e ceremonia di cortamento di cinta cu e sacamento di e blaasnan colorido di helium. Invitadonan a disfruta di champaña y hors d’oeuvres mientras cu nan a wak rond di e facilidad inaugural, y a para testigo di e prome compra den e tienda na Aruba di un computer di Apple!

Rondona pa miembronan di famia y amigonan cu kier a desea nan tur cos bon, Milo Croes Jr. a haci su soño di hopi aña bira un realidad, esta di habri e prome Apple iStore na Aruba. El a wak cu gran orguyo ora e ceremonia di cortamento di cinta a tuma luga, na Ponton 67-B.

E tienda moderno y contemporaneo lo ta bendiendo solamente productonan di Apple y tur producto y asesorio relaciona cu Apple. Como Aruba su prome iStore, e lo ta sirbiendo tanto e mercado local como e mercado di turista, treciendo e marca y cultura di Apple mas serca di e comunidad akinan.

:  E red Mas Grandi y Miho di Aruba a introduci un era nobo den servicio di comunicacion mobil cu e lansamento di su red 4G moderno durante un coferencia di prensa na Surfside Marina E sistema HSPA+ (High Speed Packet Access) ta e red di broadband di celular mas lihe den Caribe Hulandes y ta apoya e filosofia di Digicel di semper ofrece su clientenan e miho balor y e miho servicio obtenibel ariba mercado.

E red 4G di Digicel ta clasifica pa ITU (International Telecommunication Union) como un ‘tecnologia di 3G cu a evoluciona y ta provee un nivel substancial di mehoracion den funcionamento y capacidadnan den comparacion cu e sistemanan inicial di e di tres generacion existente.’

Bert Schreuders gerente general a remarca: “Digicel constantemente ta buscando pa mehora nos servicio y red pa provee nos clientenan cu e miho red di celular. Awor nos por ofrece nos clientenan un red 4G moderno! Nos no ta solamente e red mas Grandi y Miho di Aruba, pero awor nos ta tambe e red mas lihe di Aruba.” E red tin velocidad pa download cu ta yega te 7.2 mbps, cual ta cinco biaha mas lihe cu e sistemanan tradicional 3G. Esaki ta representa un evolucion significativo den e manera cu abonadonan di Digicel tin acceso, permitiendo nos clientenan pa di berdad participa den e experiencia di internet estilo 2.0.

E red 4G di Digicel tambe ta e prome pa-ABC red pa data mobil, y clientenan por uza servicio di data entre e islanan Aruba, Boneiro y Corsou sin cualkier costo adicional di roaming.

Bert Schreuders a comenta: “E implementacion exitoso di e red HSPA+ avansa, cu a costa mas di US$11 miyon, ta representa e compromiso di largo plaso di Digicel pa desaroya nos servicionan di acuerdo cu e demanda di nos clientenan cu ta cambia y evoluciona cu e introduccion di tecnologia nan nobo y formanan di intercambia informacion rond mundo. Esaki tambe ta representa nos compromiso di largo plaso pa provee lo miho den telecomunicacion mobil den Caribe y poniendo e fundeshi pa futuro tanten cu nos ta traha ariba implementacion di e sistema avansa di IMT manera LTE (Long Term Evolution) Advanced.”

Clientenan di Digicel lo beneficia di uzo di e red mas lihe di Aruba, como tambe di e miho balor den broadband mobil. Clientenan di Digicel por scoge entre diferente pakete di 4G pa esun cu ta pas cu nan estilo di bida, como cu Digicel ta ofrece diferente pakete 4G pa telefon celular of via un USB stick cu por wordo uza cu cualkier laptop of computer. Cu e diferente paketenan, clientenan di Digicel por disfruta di acceso na Internet tur caminda tur ora. Awor bo por cumpra bo BlackBerry 9300 pa solamente Afl.49,- y e modem Nokia CS1  completamente Gratis cu un contract di 2 aña.

Di e perspectiva di e cliente, e experiencia di data 4G ta representa un interaccion mas lihe cu Internet cu ta responde cu mayor velocidad. Uploads di Facebook, Tweets, Foursquare Check-Ins, etc. lo bira facil y mas lihe. Abonadonan tambe lo por facilmente “stream” video di youtube y megavideo y sigui lo ultimo den noticia di henter mundo. Clientenan cu telefon Android y iPhone awor tambe lo tin acceso na e “app-stores” pa download e ultimo “apps” na e miho velocidad obtenibel.

Pa registra pa servicio 4G di Digicel, clientenan mester tin un celular cu tin capacidad pa traha cu un red 3G of mas halto. Clientenan mester registra pa e servicio via di e website www.4g.DigicelABC.com of na cualkier tienda di Digicel na Aruba. Pa yuda e cliente dicidi cua pakete 4G ta miho pa nan, nos tin un “data calculator” ariba e website. Cu e “data calculator” aki, clientenan por check ariba kico nan uzo di data ta basa y nan por determina cua pakete ta miho pa nan.

Pa mas informacion, por fabor bishita e website di Digicel 4G, bishita un di nos tiendanan di Digicel of yama 141, nos linea di servicio di cliente pa informacion di 4G.

E red Mas Grandi y Miho di Aruba a introduci un era nobo den servicio di comunicacion mobil cu e lansamento di su red 4G moderno durante un coferencia di prensa na Surfside Marina E sistema HSPA+ (High Speed Packet Access) ta e red di broadband di celular mas lihe den Caribe Hulandes y ta apoya e filosofia di Digicel di semper ofrece su clientenan e miho balor y e miho servicio obtenibel ariba mercado.