|
Artista y Diseñador Elizabeth van Brede ta exhibi su creacionnan na Caribbean Queen |
|
Monday, 08 October 2012 11:04 |
|
E tienda di Caribbean Queen situa den e Palm Beach Plaza Mall ta orguyoso di por introduci su di diez Reina Caribense, e artista y diseñador Elizabeth van Brede, un artista local cu ta biba y crea riba nos isla. Elizabeth ta bibando na Aruba desde 2003 y continuamente ta expresa su gratitud den un variedad di manera.
Como e Reina Caribense pa e luna di Oktober, Elizabeth, kende a nace na Hulanda, ta un artista berdaderamente versatil cu un educacion formal di arte for di e Instituto di Imagen y Sonido na Hilversum, e Academia di Arte na Corsow, y e College Nacional di Arte, na Alesbury, Reino Uni.
Ademas di ta un decorador di vitrina certifica, artista di klei y pintador di pintura, e ta principalmente un trahador artistico di cralchi. Den su studio, cual tambe ta fungi como un galeria na Bringamosa, na e rand di e reserva di naturalesa di Parke Nacional Arikok, e ta ofrece lesnan pa studiantenan cu ta interesa den ceramic y e ta specialisa den e tecnica di horna di Raku cu ta wordo uza den obranan di klei Hapones.
Pa su coleccion, cual por ser mira den e tienda di Caribbean Queen durante e luna di Oktober, Elizabeth a crea un liña di piesa di joyas unico y femenino, cu cadena y renchi orea, traha di cralchinan di klei y porcelana traha na man, horna den un forno special pa articulonan di klei y decora na man cu diseñonan original.
Como cadenanan, renchi oreanan, y armbandnan, tur e piesanan ta unico y diferente; algun kralchi ta hasta acaba den oro autentico of luster di platinium pa un efecto mas chic ainda.
Lo por mira e piesanan di joyas den e tienda, riba piesanan original traha pa wanta e joyas, den forma di curpanan di klei cu Elizabeth a corta, pinta y horna su mes. Cu un bon variedad di su creacionnan den e tienda, Elizabeth su pensamento di “BOUNDLESS ART” den bida ta bon ilustra.
Tur piesa ta wordo traha na Aruba y tin un diseño distintamente artesanal. Ningun piesa ta mescos, asina ta, bishita e tienda di Caribbean Queen na Palm Beach Plaza Mall y busca algo cu bo ta gusta, pa bo mes, of pa un ser stima
 E tienda di Caribbean Queen situa den e Palm Beach Plaza Mall ta orguyoso di por introduci su di diez Reina Caribense, e artista y diseñador Elizabeth van Brede, un artista local cu ta biba y crea riba nos isla. Elizabeth ta bibando na Aruba desde 2003 y continuamente ta expresa su gratitud den un variedad di manera.
|
|
Read more...
|
|
Wednesday, 29 August 2012 17:04 |
|
Fundacion Ateliers '89 ta cuminsa cu un workshop nobo di ceramica/arte di instalacion.
Un bez mas lo trese e maestra artista Telka van Dodewaard.
Den contraste cu e workshopnan anterior duna pa Telka, e biaha aki e lo no pone e enfasis puramente riba ceramica. E biaha aki e ta hiba e participantenan conhunto den e mundo di arte di instalacion.
E titulo pa traha cu ne den e workshop aki ta; "E altar pa Ceramica". Un altar just pa duna e estatua di ceramica produci un bunita podium.
E workshop aki ta pa un luna largo y lo cuminsa Dialuna 3 di September 2012 .
Terminando asina den un exposicion Diahuebs 20 di September.
Di Dialuna pa Diahuebs di 6.30 pa 9.30pm. Edad ta 14 anja pariba.
Pa inscribi por yama Director Ateliers '89 Elvis López na telefonan 5885776 of 5654613.Tambe por haciele via e-mail na
This e-mail address is being protected from spambots. You need JavaScript enabled to view it
of check www.ateliers89.com, pa mas informacion. Ateliers 89 ta situa rechts tegen over Maria College na playa.
Inscribi ya cu lugarnan ta limita.
 Fundacion Ateliers '89 ta cuminsa cu un workshop nobo di ceramica/arte di instalacion. Un bez mas lo trese e maestra artista Telka van Dodewaard.
Den contraste cu e workshopnan anterior duna pa Telka, e biaha aki e lo no pone e enfasis puramente riba ceramica. E biaha aki e ta hiba e participantenan conhunto den e mundo di arte di instalacion.
E titulo pa traha cu ne den e workshop aki ta: "E altar pa Ceramica". Un altar just pa duna e estatua di ceramica produci un bunita podium.
|
|
Read more...
|
|
Foundation Ateliers ’89 ta bai showcase cinco (5) workshop nobo pa e ultimo luna nan di aña |
|
Monday, 20 August 2012 11:54 |
|
Pa e ultimo luna nan di aña Ateliers '89 lo presenta diferente workshop pa asina ki entrene e publico di Aruba cu workshops di arte. E diferente artista cu nan specialidad unico ta Telka Dodewaard cu Ceramics, Claire Fons y Gamal Faoud cu Fashion & Writing y por ultimo Allard Zoeteman y Sarai de Haan cu Video & Graphic Design.
Den temporada di augustus/september, e workshops di Ceramics lo cuminza pa dialuna 27 di augustus te cu 20 di september. The Ceramic Altar lo wordo presenta pa Dutch master Artist Telka van Dodewaard. Pa mas informacion por yama Elvis López na 565-4613 of 588-5776. Workshops ta dura un luna largo, di dialuna pa diahuebs di 6:30 pm te cu 9:30 pm. Edad ta 14 aña bai ariba. Tambe bo por manda un e-mail na
This e-mail address is being protected from spambots. You need JavaScript enabled to view it
Den temporada di oktober/november, lo cuminza e workshops di Fashion & Writing for di dialuna 8 di oktober te cu diahuebs 1 november. E parti di Fashion lo ta den man di Claire Fons y e parti di Writing/Poetry ta keda den man di Gamal Faoud. Pa mas informacion, keda pendiente di e website di Ateliers '89: www.ateliers89.com
Den e temporada di november/december, e workshops di Video & Graphic Design lo cuminza ariba dialuna 12 di november te cu diaranzon 5 di december. E workshop di Video ta keda den man di Allard Zoeteman y e workshop di Graphic Design lo ta den man di Sarai de Haan.
Ya cu cupo nan ta limita, nos ta conseha pa tuma contacto mas pronto posibel pa bo no keda afo!
 Pa e ultimo luna nan di aña Ateliers '89 lo presenta diferente workshop pa asina ki entrene e publico di Aruba cu workshops di arte. E diferente artista cu nan specialidad unico ta Telka van Dodewaard cu Ceramics, Claire Fons y Gamal Faoud cu Fashion & Writing y por ultimo Allard Zoeteman y Sarai de Haan cu Video & Graphic Design.
Den temporada di augustus/september, e workshops di Ceramics lo cuminza pa dialuna 27 di augustus te cu 20 di september. The Ceramic Altar lo wordo presenta pa Dutch master Artist Telka van Dodewaard.
|
|
Read more...
|
|
Quest 4 Art @ NAMA hopi exitoso |
|
Friday, 17 August 2012 16:57 |
|
Di esun mas chikito te cu esnan mas grandi a disfruta na Museo Arqueologico, participando den un programa vacacional creativo y energetico. E aña aki Museo Arqueologico a ofrece un programa specialmente pa camps y otro grupo. Asina Museo, den periodo di vakantie, a haya bishita di hopi mucha, grupo di famia, grupo di Kibrahacha y un grupo di islanan ABC, en total 475 participante di 15 grupo vacacional.
Formula di e programa a haci cu por a adapta e actividadnan pa cada grupo, teniendo cuenta cu edad di e participantenan y grandura di e grupo, percurando asina cu cada grupo por a participa na un of mas partinan di e programa. Chikitonan no por a warda pa busca e obra di arte cu nan a traha, hobennan a goza di e weganan theatral y interactivo, teenagers a decora nan mes cu armband y cadena di cual nan mes a traha e kraalchinan di papel, grandinan a hari sin fin cu e hersengymanstiek y tur a bai riba un ‘Quest’ pa busca e arte di e Indiannan di Aruba den salanan di exposicion di Museo.
Museo Arqueologico lo sigui brinda comunidad di Aruba cu mas actividadnan publico interesante y educativo. Danki na sosten di CEDE Aruba y Ministerio di Cultura e tabata posibel pa ofrece e programa diverso aki na un suma hopi abou. Museo Arqueologico ta desea di gradici tanto Kiwanis como Fofoti Tours pa nan cooperacion pa yuda cu transporte, pa asina percura cu algun grupo cu no tabata tin esaki, toch por a yega na Museo pa participa na e programa vacacional aki.
Museo Arqueologico ta situa na Schelpstraat 42, patras di Kong Hing den Havenstraat y ta habri di diamars te cu diabierna entre 10’or di mainta pa 5’or di atardi, diasabra y diadomingo di 10’or di mainta te cu 2’or di merdia. Pa motibo di trabounan den Schelpstraat, Museo Arqueologico actualmente ta accesibel via Emanstraat y Visstraat. Tambe por parkeer na Texas bieuw y cana bin Museo via e hanchi na Sport Caribe, pasa Huisje Wild y Monumentenburo pa yega Museo Arqueologico. Pa mas informacion www.namaruba.org of tel 582-8979. Tambe por sigui nos actividadnan riba Facebook: Archeo Aruba.
 Di esun mas chikito te cu esnan mas grandi a disfruta na Museo Arqueologico, participando den un programa vacacional creativo y energetico. E aña aki Museo Arqueologico a ofrece un programa specialmente pa camps y otro grupo. Asina Museo, den periodo di vakantie, a haya bishita di hopi mucha, grupo di famia, grupo di Kibrahacha y un grupo di islanan ABC, en total 475 participante di 15 grupo vacacional.
|
|
Read more...
|
|
Hyatt Regency Aruba ta anuncia desaroyo riba tereno culinario, incluyendo un concepto completamente nobo |
|
Monday, 13 August 2012 09:15 |
|
Palm Beach – Hyatt Regency Aruba Resort Casino & Spa (www.aruba.hyatt.com), a anuncia cu nan lo ta revelando mehoramiento na dos restaurant prome cu e temporada di pasco. Continuando cu e renobashon y inversión multi millonario, Hyatt Regency Aruba lo habri porta na dos restaurant, diseña pa The Johnson Studio. E concepto Mexicano nobo di alta calidad y e renobacion di Ruinas del Mar di cual ta bon conosi y preferí localmente lo provee e bishitantenan cu dos experiencia dinamico.
Ambos restaurtant lo habri nan portanan dia 17 di december entrante. Bishitantenan lo por bin disfruta di un caluroso bon bini den e “open-air” lounge ariba e dek flotante cu lo cubri e lagoon di refleccion existente. E lounge lo provee un asmosfera casual riba nan yegada y lo sirbi como un parti di e restaurant pa acomoda e bishitantenan den e area di pafo. E toldonan lo ofrece e bishitantenan un refugio contra e solo durante dia y ta sirbi como fondo pa e lusnan y lampinan cu ta ilumina, creando asina un anochi expectacular.
Hibando e experiencia culinario na e siguiente nivel, e restaurant Mexicano lo estrena un menú cu lo presenta ambos sabornan clásico di Mexico tanto como platonan cu un toke diferente y contemporario. E ingredientenan principal lo ta e famoso guacamole, y ceviche delicioso, cuminda Mexicano autentico.
Pa completa e experiencia Mexicano lo tin un bar moderno, di diseño único, cu lo ofrece un gran variedad di tequila pa satisface tur gusto.
Banda di e restaurant Mexicano, Ruinas del Mar lo keda completamente rediseña. Ruinas del Mar lo estrena un atmosfera acogedor y moderno cu un cushina habri cu lo comparti e acción, energía, ofreciendo alaves un menú nobo. Ruinas del Mar lo wordo dorna cu lusnan y lampinan di glas supla na man cu lo crea un atmosfera único.
For di 20 augustus pa 17 di december Palms Restaurant lo ta e opción principal pa disfruta di desayuno, almuerzo y cena. Ademas, lo por disfuta di un cena na orilla di lama na Footprints Beach Grill. Un sushi bar lo wordo agrega na Alfresco Lobby Bar, y menunan pa cena na Palms Bar y Piet’s Bar lo ta disponibel.
Na final di e renovacionnan , ambos restaurant lo ta habri pa cena y Ruinas del Mar lo habri tur dia pa sirbi desayuno y Brunch riba diadomingo.
Tur e posibilidadnan pa come na Hyatt Regency Aruba ta implementa awor e cuminda nobo global di Hyatt. E filosofía di “Thoughtfully Sourced. Carefully Served”, cual ta enfoca den desarolla y provee cuminda y bebida saludabel na e bishitantenan. E pilar di e programa ta inlcui porsionnan chikito; un menu cu opcionnan di cuminda natural, organico y sin hormonnan; practicanan sostenibel; y desarrollo di ingredientenan local.
Pa mas informacion tocante Hyatt Regency Aruba por yama 586-1234 of bishita www.aruba.hyatt.com.
 Palm Beach – Hyatt Regency Aruba Resort Casino & Spa (www.aruba.hyatt.com), a anuncia cu nan lo ta revelando mehoramiento na dos restaurant prome cu e temporada di Pasco. Continuando cu e renobacion y inversión multi miyonario, Hyatt Regency Aruba lo habri porta na dos restaurant, diseña pa The Johnson Studio. E concepto Mexicano nobo di alta calidad y e renobacion di Ruinas del Mar di cual ta bon conosi y preferí localmente lo provee e bishitantenan cu dos experiencia dinamico.
|
|
Read more...
|
|
|
Cool News
